Traballos de Física/Química e Xeografía/Historia

Presentamos aquí unha publicación do alumnado de 4º de ESO A e B nas materias de Física e Química e Xeografía e Historia. A publicación conta co apoio do proxecto de investigación CONDEMO (EDU2015-65621-C3-1-R) financiado polo MINECO (Goberno de España) e dos fondos FEDER da UE, grazas á colaboración do IES do Milladoiro co Departamento de Didácticas Aplicadas da Universidade de Santiago de Compostela, en especial con Ramón López Facal.
Os traballos, ademais, foron emitidos a través de Ames Radio o pasado 13 de xuño.

A MÚSICA DO AUTOMÓBIL

DEPARTAMENTO DE MÚSICA                                     ALUMNADO DE MÚSICA DE 4ºESO

A música concreta é un estilo musical que xurde en Francia. Baséase na gravación de calquera son, e a súa posterior manipulación nun laboratorio. Os sons gravados aíslanse, copianse, superpóñense e combínanse para facer composicións musicais. O compositor creador deste estilo musical foi Pierre Schaffer, coa súa obra "Cinco estudios sobre ruídos".

O grupo de música de 4º ESO fixo un pequeno exercicio de composición de música concreta utilizando unha gravadora de son e dous programas informáticos: o "Audacity" e o "Music Maker", Hip hop edition. 

           

Hai uns días por fin decidímonos a saír do centro para gravar sons de coche: o son do motor, o da chave a distancia, os dos limpas, o claxon, o pitido do cinto, as portas, etc.

No ordenador de clase fixemos a manipulacións dos sons e a montaxe. Este é o resultado.

MUSICARS - A música na publicidade de coches

       

DEPARTAMENTO DE MÚSICA                                         ALUMNADO DE MÚSICA DE 4º ESO

Dentro do tema “Música e publicidade”, este ano centrámonos nos anuncios de coches. Por certo, produto que se publicita constantemente na televisión, parece que saímos da crise. Cada alumno/a elixiu e analizou un anuncio seguindo un modelo dado. Estes son algunhas das análises que fixemos e as conclusións ás que chegamos.

1º Marca e modelo: SEAT ALTEA XL

Comentado por ALBA ANTELO

Argumento: No anuncio pódese ver como pola noite todos os xoguetes do neno métense dentro do coche sen ser vistos. Ao día seguinte a familia vai de viaxe e ao abrir o maleteiro levan unha sorpresa ao ver que está ocupado polos xoguetes, pero mostra como ten un gran espazo de almacenamento, podendo meter perfectamente as maletas e os xoguetes.

A quen vai dirixido? Está dirixido a familias, xa que é un coche familiar con moito espazo de almacenamento.

O slogan da empresa é “Auto emoción”, pero o do produto é “Power to the family”

A música: No anuncio pódese escoitar unha versión da canción “When Johnny comes marching home”, unha melodía popular da Guerra Civil Americana. Esta canción expresa o desexo da xente de que regresasen os seus amigos e familiares que estaban a combater na guerra. A letra está composta polo irlandés Patrick Gilmore, baixo o pseudónimo de Louis Lambert e é aproximadamente do ano 1863.

Esta peza está, á súa vez, inspirada nunha canción popular irlandesa chamada “Johnny I hardly knew ye”. Ten máis de 250 anos e foi transmitida por tradición oral, e é un canto en contra da guerra.

A canción do anuncio está en inglés e fala de que os animais van entrando no coche de dous en dous, que describe exactamente o que está a ocorrer na escena. A música está presente en todo momento, pero a intensidade vai aumentando segundo os xoguetes vanse achegando ao coche.

Comentario final: Paréceme idónea para este anuncio xa que o carácter marcial e solemne, así como o ritmo de marcha da música axústanse moi ben co argumento do anuncio, os animais marchando como un exército cara o coche.

Vídeo da versión americana:

Johnny I hardly knew ye →https://www.youtube.com/watch?v=wFUTHcjiZGo

Sobre ruedas

Unha das actividades realizadas dentro do proxecto foi o visionado do documental emitido por Canal Sur Sobre ruedas (Óscar Clemente, 2010; https://www.youtube.com/watch?v=_aHMIhDxnIM). O alumnado convertiu a análise e reflexión realizadas na clase nun breve ensaio, dispoñible no blog do proxecto, no que deu respostas a cuestións relacionadas co ámbito da Física e Química e o da Historia. Se picas aquí, poderás ver eses traballos.

OS MURAIS DE DETROIT

 O alumnado de Educación Plástica, Visual e Audiovisual de 4ºde ESO interpretou un fragmento dos Murais de Detroit que  Diego Rivera pintou entre 1931 e 1932. O fragmento está dividido en seis partes e traballado cunha técnica e procedemento diferente pero de tal xeito que, ao xuntar as divisións, pódese apreciar o conxunto cunha unidade de cor e forma. Para acadar este resultado é imprescindible traballar cooperativamente tendo en conta en todo momento o proceso do resto dos grupos.

                                

TÉMPERA

ACUARELA

   LAPIS DE COR

                                                    CERAS

                                                 ROTULADOR                                                 

COLLAGE

                                                     

ARTE SOBRE RODAS

PRESENTACIÓN DO PROXECTO MULTIDISCIPLINAR: MILLAUTO

O pasado 18 de novembro, o profesorado implicado  no proxecto presentouno a todo o alumnado de 4º da ESO. Reunidos no salón de actos do centro, realizaron unha serie de actividades que tiñan o automóbil como eixe. Votádelle inxenio para relacionar palabras, ordenar frases, puzzles...

A	B
Oil crisis	Hitler
“Coche do pobo”	Primo de Rivera
Assembly line	Jeep
Gasóxeno	1973
Campsa	Franco´s Dictatorship
Second World War	Henry Ford

A WORD GAME:

Sentence 1:  Carbon dioxide emissions of cars are a problem for the environment

Sentence 2:  Excessive speed is one of the main causes of road crashes

 

Ramón Casas